Finamira dalla PRO IDIOMS

Mantener e promover ils idioms en scola cun mieds d’instrucziun idiomatics.

Nossas finamiras ein:

• da garantir il diever digl idiom sco lungatg d'alfabetisaziun e da scola / d'instrucziun 
• da refusar ils mieds d'instrucziun en rumantsch grischun per nossa scola populara e pretender mieds adequats els idioms
• da mussar l'opiniun dalla populaziun enviers l'introducziun dil rumantsch grischun en scola ed il sforz da duvrar mieds d'instrucziun en rumantsch grischun.

Malgrad ch'il cantun ed il maun public investeschan onn per onn enormas summas per introducir il rumantsch grischun (RG) ha mo ina pintga part dil pievel romontsch acceptau quei lungatg artificial. Ussa pretenda il cantun da tuttas scolas primaras d'utilisar ils novs mieds d'instrucziun en RG. Quei encunter la veglia da biaras vischnauncas che han francau ella constituziun igl idiom sco lungatg ufficial. Tenor la constituziun cantunala ein las vischnauncas denton autorisadas d'eleger il lungatg. La Rumantschia stat avon ina separaziun, la pasch linguistica ei periclitada.

La PRO IDIOMS sedosta encunter l'introducziun sfurzada dil RG sco lungatg d'alfabetisaziun ed enquera primarmein il discuors cun la Ligia Romontscha ed il cantun.

Mera da la PRO IDIOMS

Mantegner e promouver ils idioms in scoula cun mezs d’instrucziun idiomatics.

Nus essans persvas 

• cha l’introducziun dal rumantsch grischun in scoula succeda a dan da noss idioms, cun que cha la cumpetenza linguistica i’l idiom nu po pü gnir sviluppeda sufficiaintamaing
• cha’ls iffaunts sun surdumandos cun stuvair imprender – sper las otras linguas obligatoricas – duos fuormas differentas dal rumauntsch
• cha la necessited da savair rumantsch grischun activmaing nun es deda

Iniziativas cumünalas

Infuormaziuns reguard las iniziativas cumünalas seguan.